Almaniya mühacirləri cib telefonları ilə yoxlayacaq


Almaniya Federal Daxili İşlər Nazirliyi ölkəyə gələn mühacirlərin etimadnaməsini təsdiq və ya təmin etmək üçün mobil telefonu məlumatlarının araşdırılmasını nəzərdə tutan qanun layihəsi hazırlayıb.

1939543553907

Qanun layihəsinin hazırlanmasına əsas olaraq o göstərilir ki, sığınacaq müraciətində olanların şəxsiyyətini təyin etmək təşkilatları haradasa həlli qeyri-mümkün olan problemlərlə üz-üzə qoyur. Ölkədən çıxarılma proseslərinin hüquqi mərhələsi də illərcə sürə bilir. Bir şəxsin şəxsiyyəti və gəldiyi ölkə açıq ortaya çıxarılmadığı müddətə qədər rəsmi qurumların əl-qolu bağlı qalır. Almaniya Daxili İşlər Nazirliyi bu üzdən bir izləmə qərarı alıb. Bu barədə ölkədə çıxan “Märkische Oderzeitung” qəzeti yazıb:

“Almaniyaya gələn hər kəsin şəxsiyyətinin detallarını açıqlayan sənədi yoxdur, ancaq çoxunun cib telefonu var. Cib telefonu üzərindən sığınacaq axtaranların Almaniyaya gələrkən keçdiyi marşrutu və gerçək şəxsiyyətlərinə dair daha etibarlı məlumatlara çatmaq mümkündür. Cib telefonu bu məsələdə ikinci bir şəxsiyyət funksiyası yerinə yetirəcək. Bununla o “şəxsiyyət” vasitəsi əsasında cinayət potensialı olduğu təyin edilən və ya təhlükəli sayılanlar bundan sonra gizli iş görməkdə çətinlik çəkəcək.”