Almaniyadakı diaspor rəhbəri Rəşad Quliyev dələduz çıxdı – Fotofakt


Rəşad Quliyev KQB-in Avropada yerləşdirdiyi gizlin xəfiyyələrindən biridi. Heç kimə sirr deyil ki, Avropada fəaliyyət göstərən Azərbaycan Mədəniyyət evləri AR-in Dövlət Diaspora Komitəsinin xarici ölkələrdə fəaliyyət göstərən agentura mərkəzidi. O, gündəlik fəaliyyətində Dövlət Təhlükəsizlik Komitəsinin  Əks-Kəşfiyyat İdarəsinə tabedi.

79d5bbed7fb8-1

Bir neçə il əvvəl Əliyev hakimiyyətinin  xüsusi xidmət orqanlarının gizli tapşırıgıyla Almanyadan siyasi sıgıncaq alan və YAP hakimiyyəti tərəfindən Almanyada bünövrəsi qoyulub gizlin maliyyələşən  “Dünya Azərbaycanlıları Assambleyası Təşəbbüs Qrupu” nun rəhbəri, “Alman-Azərbaycan Mədəniyyət Evi” nin icraçı direktoru Rəşad Quliyev dələduzluq yolu ilə vətəndaşın külli miqdarda pulunu ələ keçirib.

  • Bu barədə hakimiyyətin “cəfakeş müxalifətçisindən” şikayət  edən Oğuz rayon sakini Əliyev İntiqam Həsən oğlu hazırda Almaniyanın Köln şəhərində yaşayan Rəşad Quliyevin ondan 13.550 dollar aldığını deyib:

This slideshow requires JavaScript.

“Mənim oğlum Əliyev Rantik 3 il əvvəl Almaniyaya getmişdi. Nürnberq şəhərində yaşayırdı. Oğlum nevroloji xəstə olduğuna görə orada müalicə alırdı, dövlət də dəstək verirdi. Lakin bir müddətdən sonra alman hökuməti oğlumu heç bir səbəb göstərmədən deportasiya etdi.

Rantik ölkəyə gəldikdən bir müddət sonra yenidən Almaniyaya getmək istədi. Ancaq Avropadan deportasiya olduğu üçün heç bir ölkə viza vermirdi.

Biz ötən ilin avqustunda Bakıda turizm şirkətlərindən birində çalışan Nərminə adlı xanıma müraciət etdik. O isə bu məsələdə Almaniyada yaşayan, diaspor fəaliyyəti ilə məşğul olan Rəşad Quliyevin bizə yardım edəcəyini dedi. Bildirdi ki, R.Quliyev bu işlərlə məşğul olur. Rəşad Quliyev ilə telefon vasitəsilə tanış olduq. O, oğlumun Almaniyada problemsiz qalacağına söz verdi və bu işin 24 min avroya başa gələcəyini dedi. Pulun yarısını indi, yarısını isə iş düzələndən sonra verməli idik.

images

 

Rəşad bizə dedi ki, ona vizanı alacaq, daha sonra Rantik orada Almaniya vətəndaşı olan bir qadınla saxta nikaha daxil olacaq və bu ölkənin vətəndaşına çevriləcək.

Oğlumun müalicə olunması naminə bu işə qol qoydum – 7550 və 6000 dollar olmaqla pulu 1 gün fərqlə Rəşad Quliyevin istəyinə uyğun olaraq onun Bakıda yaşayan anası Dünyaxanım Məhərrəmovanın adına açılmış bank hesabına köçürdüm”.

Şikayətçinin sözlərinə görə, bütün problemlər pulun köçürülməsindən sonra başlayıb:

“Rəşad Quliev vəd etdiyinin əksinə olaraq, vizanı ala bilmədi və yaxud buna cəhd etmədi. Məsələ aylarla uzanandan sonra bu işin qurma olduğunu, bizə kələk gəlindiyini anladıq və pulumu geri istədim. Rəşad Quliyev isə heç bir halda pulu qaytarmayacağını dedi və artıq xeyli müddətdir telefon zənglərimizə cavab vermir”.

İntiqam Əliyevin sözlərinə görə, Rəşad Quliyevlə əlaqə yaradan vasitəçi, AB Tour turizm şirkətinin əməkdaşı Nərminə Dadaşovaya təkrar müraciət edəndə o bildirib ki, R.Quliyev daha bir nəfəri aldadıb:

“Nərminə Dadaşova Rəşad Quliyevin dələduzluq etdiyini, hamını aldatdığını bildirdi və aldadılan digər şəxslə bizi tanış etdi. Biz birlikdə R.Quliyevin anasının evinə getdik. Orda pulumuzu tələb edəndən sonra R.Quliyev N.Dadaşova ilə əlaqə saxlayaraq, pulumuzun qaytarılacağına söz verdi. Ancaq aradan bir neçə gün keçəndən sonra məlum oldu ki, R.Quliyevin anası Dünyaxanım Məhərrəmova Bakıdakı evini satışa çıxarıb. O, evini tez-tələsik satıb, Almaniyaya qaçmaq istəyir”.

İ.Əliyev bu dələduzluq əməli ilə bağlı artıq vəkil tutduğunu da bildirdi:

“O məbləği düzəltmək üçün evimi banka girov qoyub, pul götürmüşdüm. İndi bank evimi də əlimdən alır. Artıq vəkillə müqavilə bağlamışam. Hüquqlarımı tanınmış vəkil Fərhad Mehdiyev müdafiə edəcək”.

İ.Əliyevin sözlərinə görə, R.Quliyev Almaniyada oturum izni alıb və buna görə də hüquq-mühafizə oprqanlarının ona heç nə edə bilməyəcəyini bildirir:

“Buna görə də hadisə barədə Daxili İşlər Nazirliyi ilə bərabər, Almaniyanın Azərbaycandakı səfirliyinə də müraciət göndərmişəm. Bu şəxs Avropada yaşamaq və işləmək adı ilə mənim kimi xeyli adamı aldadıb”.

Mövzunu diqqətdə saxlayacağıq.

One comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s